اليوم أجلت الموعد لبكرة بعدين كنسلته .
بكره حارجع للبيت بعد يومين تسوق مع بنات أختي امس ساعه و اليوم مثل ماهو موجود بالصوره كره سله و جرير و طبعا مغربي .
اول محل دخلناه رياضه طبعا انا ثلاث محلات انسى نفسي فيها : جرير - الصيدليه و اخيرا محلات الرياضه
كل شي بالمحل عجبني خوذات التزلج الدراجه شكلها للاماكن الوعره العاب الحديد لو على نفسي و الله لاشتري بس احس باتفشل العالم طالعين باكياس مرتبه وانا اكياس كبيره ، فاخذب معاي كره سله لان اللي بالبيت ما حصلتها وطبعا كوره فشله يا ربي ما تتخبى و ما معانا الا هي بس فطلبت مخفيه لان الاخ اعطاني شفافه !
اشترت الاخت بعدها ساعه و تركتها مع اختي ، و رحنا جرير طبعا لي تقريبا ثلاث اشهر ما دخلتها فاحس اني مره مشتاقه لو اشوفها و اشم ريحه الكتب واطلع ، رحنا و خلينا الكوره عند الامانات ،جلست اتفاهم مع موظف عن طلب اشتريت عينتين والاخت اشترت دفتر جينا بنحاسب و مبسوطه مطلعه كرت تخفيض اول مره استخدمه حتى خايفه يفشلني ما اعرف كيف تخفيضهم بس خفضنا لنا خمسه ريال والله فشله جيت باحاسب حسابنا في الخمسينات صارت المحفظه فاضيه بس 17ريال والاخب بس معاها11 ! ادور البطاقه ما حصلتها ابي اجيب عشره من هنا والا من هنا مافيه و جرير بعيدة مستحيل احد يجي لنا من مجموعتنا خصوصا وقت الصلاه اعتذرت من الاخ و رحت بين الكاشيرات انفش الاغراض يا انا يالكرت يالله حصلناه حاسبنا وطلعنا عن نفسي عادي لان اهم شي اخذت الاغراض معاي و لي سوابق لكن الاخت حست انها فشلانه و القت علي اني يجب ترتيب الشنطه - طبعا مستحيل - و ان وان ...الخ .طفرنا بس 28 ريال طبعا كنت متمنيه صورت الكابتشينو بس من حطوه شربته ، ساعات احس اني تقليديه لو اروح اي مكان مشروب ساخن كابتشينو بدون سكر و بارد عصير برتقال مااحب اغامر كثير نادرا .
في مغربي شكل الموظف كان طفشان فأي حاجه أقولها يصرفني مع اني كنت متحمسه ابي اشتري نظاره شمسيه رجالي بس ماحصلت حسب الشروط حتى امس و شروطها تكون اسود رسميه جدا بدون شعارات او حركات !
و احنا بنطلع حسيت لازم امر صراف حصلنا وحده فاضيه فجنناها فكرت اسدد فاتورتي لان في الاتصالات تحديثاب فتلخبطت الفواتير والشبكه مره تعبانه فماعرفت اسدد ما قد جربت فقلنا نسحب فماابي اي ورقه 500 لانها تجنني في الحياه اليوميه فقررت اسحب 400 تمشي خصوصا خلصت كل اموري فنهاوش هالصرافه نطلب 400 رافضه فما حسينا الا واحد داخل معانا في الخط فجعنا بسم الله فهمنا انها تسحب خمسه و فوق سحبناها و طلعنا و لا استفدت .
500 لها مواقف كثيرة لما كنا في فرنسا كانت معاو و مع زوجه اخوي فيرفضوا ياخذوها الكشكات و المطاعم فصرنا نشتري اي حاجه تفكها عطر او اي شي
اول سبت عزمنا اختي في مطعم عربي فكنا ثنين زوجات اخواني و بنتين اخوي و انا و اختي .
جاين مو جوعانين مره بس تغير جو و نجرب هالمطعم ، كلنا محجبات بلثام فطلبنا و اجوا جنبنا عائله مسوين زحمه صوتهم مره بس كنا حنا و هم موطفين المطعم عاشوا جو مع الطاوله الثانيه و احنا في حالنا نسولف و نضحك و هذولي الموظفين مره نسونا خصواصا ان الطلب مو كثير فنبهناهم اكلنا و اللي ما أكل شبعان جينا بنحاسب فكنا مره مغتاظين منهم و اسلوبهم حسابنا ميه و اربعين او ميه و خمسين جهزنا المبلغ ناديناه نعطيه الحساب فطلعت زوجه اخوي 500 يورو استغرب معليش مدام ما نقدر عندكم اقل فتستعبط الاخت يالله باشوفهم معقوله ماعندكم شوفوا شنطكم فوق تحت من هنا او من هنا ، معليش روح شوي خل نجمع من شنطهم هو راح من هنا طلعب الجساب شوي و نادته حاسبناه و طلعنا والله اسلوب توديعهم لنا يفرق تماما عن اسلوب ضيافتهم و ترحيبهم وصلونا للباب اهلا و سهلا فيكون شرفتوا !
يمكن الموقف عادي بس اسلوب الاخت و هي تسخر شوفوا شنطكم عملت عمايل
يالله ساعه و نص و انا ماسكه جهازي اكتب بس احس من زمان ماسولفت مع انها حكايات يمكن عاديه بس باحس بطعمها و اتذكرها لما اقراها بعدين
مررره نفسي اكمل كتابه بس حسيت اني ثرثاره !
خاصه ان العالم اللي يقال انها سهرانه ناموا الحين الا انا
لي اسبوع عن النت ماهمني مادام انا ادون و يارب تضبط امور النت مع الاتصالات علشان اقدر افتح بريدي من هنا بشكل اسهل مثل قبل .
كلما فكرت اغير جهازي يعورني قلبي علشان مجلد نقوش ساخره من موقع ادب اكثر من 650 رساله حقت 26 شهر كيف اتركها ؟
اقول مع السلامه
No comments:
Post a Comment